ബുണ്ടസ് ലീഗയിൽ ബയർ ലെവർകൂസൻ കിരീടത്തിലെ അടുക്കുന്നു. ഇന്ന് എഫ് സി കോളിനെ പരാജയപ്പെടുത്തിയ ലെവർകൂസൻ ലീഗിൽ ഒന്നാം സ്ഥാനത്ത് 10 പോയിന്റിന്റെ ലീഡ് നേടി. ഇന്ന് എതിരില്ലാത്ത രണ്ടു ഗോളുകൾക്കായിരുന്നു അലോൺസോയുടെ ടീമിന്റെ വിജയം.
മത്സരത്തിന്റെ പതിനാലാം മിനിറ്റിൽ ചുവപ്പ് കാർഡ് കിട്ടിയ മിഡ്ഫീൽഡർ തീൽമാൻ പോയത് കൊണ്ട് കോളിൻ പത്തു പേരുമായാണ് ഭൂരിഭാഗം സമയവും മത്സരം കളിച്ചത്. തീൽമാൻ പുറത്തേക്ക് പോകുമ്പോൾ സ്കോർ 0-0 എന്നായിരുന്നു.
കളിയുടെ 38ആം മിനിട്ടിൽ ഫ്രിങ്പോംഗിലൂടെ ലെവർകൂസൻ ലീഡ് എടുത്തു. 74ആം മിനുട്ടിൽ ഗ്രിമാൾഡോ ലെവർകൂസന്റെ വിജയം ഉറപ്പിച്ച രണ്ടാം ഗോളും നേടി. ഇതോടെ രണ്ടാം സ്ഥാനത്തുള്ള ബയേണെക്കാൾ 10 പോയിന്റ് മുന്നിലെത്താൻ ലെവർകൂസനായി. 24 മത്സരങ്ങൾ കഴിഞ്ഞപ്പോൾ 64 പോയിന്റാണ് അവർക്ക് ഉള്ളത്. രണ്ടാമതുള്ള ബയേണ് 54 പോയിന്റുമാണ് ഉള്ളത്. ഇനി ലീഗൽ 10 മത്സരങ്ങൾ മാത്രമാണ് ശേഷിക്കുന്നത്.
