ഇംഗ്ലണ്ട് ബാറ്റിംഗ് രണ്ടാം ഇന്നിംഗ്സിലും പതറുന്നു. അവർ രണ്ടാം സെഷൻ അവസാനിക്കുമ്പോൾ 173/5 എന്ന നിലയിലാണ്. 2 റൺസുമായി ഫോക്സും 68 റൺസുമായി പോപും ആണ് ക്രീസിൽ ഉള്ളത്. അവർ ഇപ്പോഴും ഇന്ത്യയുടെ ആദ്യ ഇന്നിംഗ്സിന് 17 റൺസിന് പിറകിലാണ്.
രണ്ടാം ഇന്നിംഗ്സിന് ഇറങ്ങിയ ഇംഗ്ലണ്ട് ഇന്നും ഓപ്പണർ ഭേദപ്പെട്ട തുടക്കമാണ് നൽകിയത്. പക്ഷെ ഇന്നും ആ ഓപ്പണിംഗ് കൂട്ടുകെട്ടിന് പിറകെ വന്നവർ തിളങ്ങിയില്ല. സാക് ക്രോലി 31 റൺസ് എടുത്ത് അശ്വിന്റെ പന്തിലും 47 റൺസ് എടുത്ത ഡക്കറ്റ് ബുമ്രയുടെ പന്തിലും പുറത്തായി.
രണ്ട് റൺസ് എടുത്ത റൂട്ടിനെയും ബുമ്ര പുറത്താക്കി. ക്യാപ്റ്റൻ ബെൻ സ്റ്റോക്സ് 6 റൺസിൽ നിൽക്കെ അശ്വിന്റെ പന്തിൽ ബൗൾഡ് ആയി. 10 റൺസ് എടുത്ത ബെയർസ്റ്റോയെ ജഡേജയും ബൗൾഡ് ആക്കി.
