ആദ്യ ടെസ്റ്റിന്റെ രണ്ടാം ദിനം അവസാനിക്കുമ്പോൾ ഇന്ത്യ മികച്ച നിലയിൽ. ഇംഗ്ലണ്ടിനെതിരെ ലീഡ് നേടിയ ഇന്ത്യ ഇപ്പോൾ 421/7 എന്ന നിലയിലാണ്. ഇന്ത്യക്ക് ഇപ്പോൾ 175 റൺസിന്റെ ലീഡ് ഉണ്ട്. 81 റൺസുമായി ജഡേജയും 35 റൺസുമായി അക്സർ പട്ടേലുമാണ് ക്രീസിൽ ഉള്ളത്.
ഇന്ത്യക്ക് ഇന്നലെ തന്നെ രോഹിത് ശർമ്മയെ നഷ്ടമായിരുന്നു. ഇന്ന് രാവിലെ തന്നെ ജയ്സ്വാളിന്റെ വിക്കറ്റ് ഇന്ത്യക്ക് നഷ്ടമായി. ആക്രമിച്ചു കളിച്ച ജയ്സ്വാൾ 74 പന്തിൽ നിന്ന് 80 റൺസ് എടുത്താണ് പുറത്തായത്. ഗിൽ 66 പന്തിൽ നിന്ന് 23 റൺസും എടുത്തു. ലഞ്ചിനു ശേഷം 86 റൺസ് എടുത്ത കെ എൽ രാഹുലും 35 റൺസ് എടുത്ത് ശ്രേയസ് അയ്യറും പുറത്തായി.
അവസാന സെഷനിൽ ഭരതും അശ്വിനും കളം വിട്ടു. ഭരത് 41 റൺസ് ആണ് എടുത്തത്. 1 റൺ എടുത്ത അശ്വിൻ റണ്ണൗട്ട് ആവുകയായിരുന്നു.
ഇംഗ്ലണ്ടിനായി ടോം ഹാർട്ലിയും ജോ റൂട്ടും രണ്ട് വിക്കറ്റും ടോം ജാക്ക് ലീചും രെഹാനും ഒരോ വിക്കറ്റ് വീതവും നേടി.
