ഇന്ത്യൻ പ്രീമിയര്‍ ലീഗിന്റെ (ഐ പി എൽ) ടൈറ്റിൽ റൈറ്റ്സ് അടുത്ത നാലു വർഷത്തേക്ക് കൂടെ ടാറ്റ ഗ്രൂപ്പ് സ്വന്തമാക്കി. 2024 മുതൽ 2028 വരെയാണ് ടാറ്റ ഗ്രൂപ്പ് ടൈറ്റിൽ റൈറ്റ്സ് സ്വന്തമാക്കിയിരിക്കുന്നത്. അവസാന രണ്ട് ഐ പി എല്ലും അവർ ആയിരുന്നു സ്പോൺസർ ചെയ്തത്.
നിലവിൽ വനിതാ ഐപിഎലിന്റെ ടൈറ്റിൽ റൈറ്റ്സും ടാറ്റ ഗ്രൂപ്പിന്റെ കൈവശമാണ്. 2500 കോടി ഇന്ത്യൻ രൂപയ്ക്ക് ആണ് ടാറ്റ ഐ പി എല്ലിന്റെ സ്പോൺസർഷിപ്പ് പുതുക്കിയിരിക്കുന്നത്‌. ലീഗിന്റെ ചരിത്രത്തിലെ ഏറ്റവും വലിയ സ്പോൺസർഷിപ്പ് ആണിത്. ഐ പി എല്ലിന്റെ 17ആം സീസൺ മാർച്ചിൽ ആകും ആരംഭിക്കുക.
