ലോകകപ്പിലെ മികച്ച ടീം ഇന്ത്യ തന്നെ ആണ് എന്നും ഒരു ദിവസത്തെ നിർഭാഗ്യം കൊണ്ട് മാത്രമാണ് ഓസ്ട്രേലിയ കിരീടം നേടിയത് എന്നും മുൻ ഇന്ത്യൻ താരം മുഹമ്മദ് കൈഫ്.“ഓസ്‌ട്രേലിയക്ക് അഭിനന്ദനങ്ങൾ, പക്ഷേ ഏറ്റവും മികച്ച ടീം ലോകകപ്പ് നേടി എന്ന് പറയാൻ ഞാൻ തയ്യാറല്ല.” കൈഫ് പറഞ്ഞു.
“ഇന്ത്യൻ ടീം ആണ് മികച്ച ടീം. ഫൈനലിൽ തോറ്റെങ്കിലും ഇതേ ഓസ്‌ട്രേലിയൻ ടീമിനെതിരെ പല തവണ കളിച്ചാലും ഇന്ത്യ ആയിരിക്കും വിജയിക്കുക. ഈ ഫൈനൽ ഒരു മോശം ദിവസങ്ങളിലൊന്നായിരുന്നു, ഇങ്ങനെ ചിലപ്പോൾ സംഭവിക്കാറുണ്ട്.” കൈഫ് പറഞ്ഞു.
“2003ൽ റിക്കി പോണ്ടിംഗ് സെഞ്ച്വറി നേടിയപ്പോൾ ലോകകപ്പ് ഫൈനലിൽ തോറ്റ ടീമിൽ ഞാനും ഉണ്ടായിരുന്നു. അന്നും ഹൃദയങ്ങൾ തകർന്നു. ഇപ്പോൾ രോഹിത് ശർമ്മയുടെ വികാരം എന്താണെന്ന് എനിക്ക് ഇപ്പോൾ മനസ്സിലാകും. ഭാവിയിൽ എന്ത് സംഭവിക്കുമെന്ന് ഞങ്ങൾക്ക് അറിയില്ല. എന്നാൽ നിങ്ങൾ എന്നോട് ചോദിച്ചാൽ, 2023 ലോകകപ്പിൽ ഈ ഇന്ത്യൻ ടീമിനെ ഓർത്ത് ഞാൻ അഭിമാനിക്കുന്നു.” കൈഫ് കൂട്ടിച്ചേർത്തു.
