മുൻ പാകിസ്താൻ താരം മുഹമ്മദ് ഹഫീസ് പാകിസ്താന്റെ പുതിയ ചീഫ് സെലക്ടർ ആകും എന്ന് റിപ്പോർട്ടുകൾ. അടുത്തിടെ രാജിവെച്ച ഇൻസമാം ഉൾ ഹഖിന് പകരമാണ് ഹഫീസ് ചീഫ് സെലക്ടർ ആകാൻ പോകുന്നത്‌. പാകിസ്താൻ സീനിയർ ടീം മാനേജ്മെന്റിൽ വേറെയും അഴിച്ചു പണികൾ നടക്കും എന്നാണ് സൂചന.
മുൻ ടെസ്റ്റ് ക്യാപ്റ്റൻ യൂനിസ് ഖാനും ദേശീയ ടീം മാണെജ്മെന്റിലേക്ക് എത്തിയേക്കും. യൂനുസ് ഖാനെ അടുത്ത പരിശീലകനാക്കാൻ പാകിസ്താൻ ആലോചിക്കുന്നുണ്ട്. വഹാബ് റിയാസ്, സൊഹൈൽ തൻവീർ, യൂനുസ് ഖാൻ എന്നിവർ ചൊവ്വാഴ്ച ലാഹോറിൽ പിസിബിയുടെ ക്രിക്കറ്റ് മാനേജ്‌മെന്റ് കമ്മിറ്റി തലവൻ സക്ക അഷ്‌റഫുമായി കൂടിക്കാഴ്ച നടത്തിയിരുന്നു.
