ഇന്ന് ന്യൂസിലൻഡ് ശ്രീലങ്കയെ തോൽപ്പിച്ചതോടെ പാകിസ്താൻ സെമിയിൽ എത്തില്ല എന്ന് ഏതാണ്ട് ഉറപ്പായി. ഇന്ന് ന്യൂസിലൻഡ് 24 ഓവറിലേക്ക് വിജയിച്ചതോടെ പോയിന്റ് ടേബിളിൽ അവർ നാലാം സ്ഥാനം 99 ശതമാനം ഉറപ്പിച്ചു എന്ന് പറയാം. 10 പോയിന്റുള്ള ന്യൂസിലൻഡിന് 0.992 ആണ് നെറ്റ് റൺ റേറ്റ്. പാകിസ്റ്റാൻ 0.036 മാത്രമാണ് നെറ്റ് റൺ റേറ്റ്.
പാകിസ്താൻ ഇംഗ്ലണ്ടിനെതിരെ അത്ഭുത വിജയം നേടേണ്ടി വരും ആ റൺ റേറ്റ് മറികടക്കാൻ. 287 റൺസിനു മുകളിലുള്ള വിജയമോ, അല്ലായെങ്കിൽ 284 പന്ത് ബാക്കിയുള്ള വിജയമോ നേടിയാലേ പാകിസ്താന് ഇനി സെമി ഫൈനലിൽ എത്താൻ ആക്കൂ. ഇതിനർത്ഥം ഇത് അസാധ്യമാണ് എന്ന് തന്നെയാണ്. അതോടെ ഇന്ത്യ പാകിസ്താൻ സെമി ഫൈനൽ എന്ന സ്വപ്നം അവസാനിച്ചു. ഇന്ത്യക്ക് ന്യൂസിലൻഡ് ആകും സെമി ഫൈനലിലെ എതിരാളി. ദക്ഷിണാഫ്രിക്ക ഓസ്ട്രേലിയയെയും സെമിയിൽ നേരിടും.
