ഓസ്ട്രേലിയയ്ക്കെതിരായ ബംഗ്ലാദേശിന്റെ അവസാന ലീഗ് മത്സരത്തിൽ ഷാകിബ് കളിക്കില്ല. ഷാക്കിബ് അൽ ഹസന് വിരലിന് പൊട്ടൽ കാരണം കളിക്കാൻ ആകില്ല എന്ന് ടീം അറിയിച്ചു. തിങ്കളാഴ്ച ശ്രീലങ്കയ്ക്കെതിരായ മത്സരത്തിനിടെയിൽ ആയിരുന്നു ഷാക്കിബിന് പരികേറ്റത്. വേദനസംഹാരികൾ കഴിച്ച് ആയിരുന്നു അദ്ദേഹം ബാറ്റിംഗ് തുടർന്നത്.
അദ്ദേഹം 65 പന്തിൽ 12 ഫോറും രണ്ട് സിക്സും സഹിതം 82 റൺസ് നേടിയി പ്ലയർ ഓഫ് ദി മാച്ച് ആയിരുന്നു. അദ്ദേഹത്തിന്റെ എക്സ്-റേയിൽ വിരലിന് ഒടിവ് കണ്ടെത്തി. തിരികെ കളത്തിൽ എത്താൻ മൂന്നോ നാലോ ആഴ്ചയാകുമെന്ന് കണക്കാക്കപ്പെടുന്നു. അദ്ദേഹം ഇന്ന് ബംഗ്ലാദേശിലേക്ക് പോകും. ഓസ്ട്രേലിയക്ക് എതിരെയുള്ള അവസാന മത്സരം ജയിച്ചാൽ മാത്രമെ ബംഗ്ലാദേശിന് ചാമ്പ്യൻസ് ട്രോഫി യോഗ്യത ലഭിക്കൂ.
