ഒഡീഷ എഫ് സിക്ക് എതിരായ മത്സരത്തിൽ കേരള ബ്ലാസ്റ്റേഴ്സിന്റെ തിരിച്ചുവരവിന് ഊർജ്ജം നൽകിയത് സച്ചിൻ സുരേഷിന്റെ പെനാൾട്ടി സേവ് ആണ് എന്ന് ഇവാൻ വുകമാനോവിച്. ഒഡീഷക്ക് എതിരായ മത്സരത്തിൽ കേരള ബ്ലാസ്റ്റേഴ്സ് ഒരു ഗോളിന് പിറകിൽ നിൽക്കവെ ആയിരുന്നു സച്ചിന്റെ പെനാൾട്ടി സേവ്. മൗറീസിയോയുടെ പെനാൾട്ടിയും അതിനു പിന്നാലെ റീബൗണ്ടും സേവ് ചെയ്യാൻ സച്ചിനായിരുന്നു.
സച്ചിന്റെ പെനാൾട്ടിയും അതിന്റെ പിന്നാലെയുള്ള സേവും ഗംഭീരമായിരുന്നു. അത് ടീമിന് തിരിച്ചുവരാനുള്ള മാനസികമായ കരുത്ത് നൽകി. ഇവാൻ മത്സര ശേഷം പറഞ്ഞു. സച്ചിൻ നല്ല പ്രകടനമാണ് നടത്തുന്നത് എന്ന് ഇവാൻ പറഞ്ഞു. രണ്ടാം പകുതിയിൽ മികച്ച പ്രകടനം ആണ് ബ്ലാസ്റ്റേഴ്സ് നടത്തിയത് എന്നും ഈ 3 പോയിന്റിൽ അതിയായ സന്തോഷം ഉണ്ട് എന്നും ഇവാൻ പറഞ്ഞു.
