തുർക്കിയിൽ ചെന്ന് വിജയിച്ച് ബയേൺ അവരുടെ ചാമ്പ്യൻസ് ലീഗ് ഗ്രൂപ്പ് ഘട്ടത്തിലെ വിജയ പരമ്പര തുടർന്നു. ഇന്ന് ബയേണ് ഗലറ്റസറെയെ ഒന്നിനെതിരെ മൂന്ന് ഗോളുകൾക്ക് ആണ് തോൽപ്പിച്ചത്‌. 73ആം മിനുട്ടിൽ വരെ 1-1 തുടർന്ന മത്സരത്തിൽ ഒരു ഗോളും ഒരു അസിസ്റ്റുമായി ഹാരി കെയ്ൻ ആണ് ബയേണിന്റെ വിജയ ശില്പിയായത്.
ഇന്ന് എട്ടാം മിനുട്ടിൽ കോമാനിലൂടെ ബയേൺ ആണ് ലീഡ് എടുത്തത്. 30ആം മിനുട്ടിൽ ഇക്കാർഡിയുടെ ഒരു പെനാൾട്ടിയിലൂടെ ഗലറ്റസറെ സമനില നേടി. ഈ സമനില 73ആം മിനുട്ട് വർവ് തുടർന്നു. 73ആം മിനുട്ടിൽ മുസിയലയുടെ പാസിൽ നിന്ന് കെയ്ൻ ബയേണ് ലീഡ് നൽകി. 79ആം മിനുട്ടിൽ കെയ്നിന്റെ പാസിൽ നിന്ന് മുസിയല വിജയം ഉറപ്പിച്ച മൂന്നാം ഗോളും നേടി.
ഈ വിജയം ബയേണിന്റെ ചാമ്പ്യൻസ് ലീഗ് ഗ്രൂപ്പ് ഘട്ടത്തിലെ തുടർച്ചയായ പതിനാറാം വിജയമാണ്. ബയേൺ 9 പോയിന്റുമായി ഗ്രൂപ്പിൽ ഒന്നാമത് നിൽക്കുന്നു. ഗലറ്റസറെക്ക് നാലു പോയിന്റ് ഉണ്ട്.
