ഏകദിന ലോകകപ്പിൽ ഇനി റീസ് ടോപ്ലി കളിക്കില്ല. പരിക്കേറ്റ താരത്തെ ഒഴിവാക്കിയതായി ഇംഗ്ലണ്ട് സ്ഥിരീകരിച്ചു. ടോപ്ലിയുടെ ഇടത് ചൂണ്ടുവിരലിന് പരിക്കേറ്റിരുന്നു. ഇതാണ് താരത്തിന് വിനയായത്. പകരക്കാരനെ ഇതുവരെ ഇംഗ്ലണ്ട് പ്രഖ്യാപിച്ചിട്ടില്ല. ജോഫ്ര ആർച്ചർ പകരക്കാരൻ ആകില്ല എന്നാണ് സൂചന.
ടോപ്ലി നേരത്തെ, ഐപിഎല്ലിന്റെ സമയത്തും പരിക്കേറ്റ് ദീർഘകാലം പുറത്ത് ഇരിക്കേണ്ടി വന്നിരുന്നു. 29-കാരൻ ഇതുവരെ ലോകകപ്പിൽ നല്ല പ്രകടനമായിരുന്നു കാഴ്ചവെച്ചത്. 8 വിക്കറ്റ് വീഴ്ത്തി ടോപ്ലി ആണ് ഏകദിന ലോകകപ്പിൽ ഇതുവരെ ഇംഗ്ലണ്ടിനായി ഏറ്റവും കൂടുതൽ വിക്കയ് എടുത്തത്. നാല് മത്സരങ്ങളിൽ മൂന്നും തോറ്റ ഇംഗ്ലണ്ടിന് ഇത് വലിയ തിരിച്ചടിയാണ്.
