ലോകകപ്പിലെ ആദ്യ മത്സരത്തിനു മുന്നെ ഇന്ത്യക്ക് വലിയ തിരിച്ചടി. ഇന്ത്യയുടെ ഓപ്പണർ ആയ ശുഭ്മൻ ഗില്ലിന് ഡെങ്കിപ്പനി സ്ഥിരീകരിച്ചിരിക്കുകയാണ്‌. കഴിഞ്ഞ ദിവസം പനി ബാധിച്ച താരത്തിന് നടത്തിയ ടെസ്റ്റിൽ ആണ് ഡെങ്കി ആണെന്ന് ഉറപ്പിച്ചത്. മറ്റന്നാൾ ആണ് ഇന്ത്യയുടെ ലോകകപ്പിലെ ആദ്യ മത്സരം. ഓസ്ട്രേലിയക്ക് എതിരായ ആ മത്സരത്തിൽ ഇനി ഗിൽ കളിക്കുന്ന കാര്യം സംശയമാണ്.
അവസാന ഒരു വർഷത്തോളമായി ഇന്ത്യയുടെ ഏറ്റവും മികച്ച ബാറ്റർ ആണ് ഗിൽ. ഓപ്പണിംഗിൽ രോഹിതും ഗില്ലും ചേർന്നുള്ള പ്രകടനങ്ങൾ ഇന്ത്യക്ക് കരുത്തായിരുന്നു. ഗില്ലിന്റെ അഭാവത്തിൽ ഇഷൻ കിഷനോ രാഹുലോ രോഹിതിന് ഒപ്പം ഓപ്പൺ ചെയ്യാൻ ആണ് സാധ്യത.
