ഏഷ്യൻ ഗെയിംസ് സെമിയിൽ ഇന്ത്യ ബംഗ്ലാദേശിനെ നേരിടും. നാളെ ആകും മത്സരം നടക്കുക. ഇന്ന് നടന്ന ക്വാർട്ടർ ഫൈനലിൽ അവസാന ഓവർ ത്രില്ലറിൽ മലേഷ്യയ്‌ക്കെതിരെ വിജയിച്ചു കൊണ്ടാണ് ബംഗ്ലാദേശ് സെമി ഉറപ്പിച്ചത്. രണ്ട് റൺസിന്റെ വിജയമാണ് ബംഗ്ലാദേശ് നേടിയത്‌.
മത്സരത്തിന്റെ അവസാന ഓവറിൽ 5 റൺസ് മാത്രമെ മലേഷ്യക്ക് വിജയിക്കാൻ വേണ്ടിയിരുന്നുള്ളൂം എന്നാൽ അഫീഫ് ഹൊസൈൻ ആ 5 റൺസ് വിജയകരമായി പ്രതിരോധിച്ചു. 117 റൺസ് എന്ന ചെറിയ പിന്തുടർന്ന മലേഷ്യ 7 വിക്കറ്റ് നഷ്ടത്തിൽ 112 എന്ന നിലയിലായിരുന്നു അവസാന ഓവറിൽ എത്തിയത്‌. അഫീഫിന്റെ അവസാന ഓവറിൽ ആദ്യ നാലു പന്തിലും ഒരു റൺസ് പോലും മലേഷ്യ എടുത്തില്ല. ഒപ്പം വീരൺദീപ് സിംഗിന്റെ വിക്കറ്റും നഷ്ടമായി.
അവസാന 2 പന്തിൽ ആകട്ടെ ആകെ 2 റൺസ് മാത്രമേ അവർ എടുത്തുള്ളൂ. ഇന്ത്യ നേരത്തെ നേപ്പാളിനെ തോൽപ്പിച്ച് സെമിയിൽ എത്തിയിരുന്നു.
