അവസാനം ഏഷ്യൻ ഗെയിംസ് ക്രിക്കറ്റിലെ ഇന്ത്യയുടെ എതിരാളികൾ തീരുമാനം ആയി. ക്വാർട്ടർ ഫൈനലിൽ ഇന്ത്യ നാളെ നേപ്പാളിനെ ആകും നേരിടുക. നാളെ പുലർച്ചെ 6.30നാകും മത്സരം. ഇന്ത്യ ക്വാർട്ടർ ഫൈനൽ ഘട്ടം മുതൽ ആകും ഏഷ്യൻ ഗെയിംസിൽ കളിച്ചു തുടങ്ങുന്നത്. മെച്ചപെട്ട റാങ്കിംഗ് ഇന്ത്യ, പാകിസ്താൻ തുടങ്ങുയ ടീമുകളെ ഗ്രൂപ്പ് ഘട്ടം കളിക്കാതെ നേരെ ക്വാർട്ടറിൽ എത്താൻ സഹായിച്ചു.
നാളെ നടക്കുന്ന രണ്ടാം ക്വാർട്ടർ ഫൈനലിൽ പാകിസ്താൻ ഹോങ്കോങ്ങിനെ നേരിടും. ഒക്ടോബർ 4ന് നടക്കുന്ന മറ്റു ക്വാർട്ടർ ഫൈനലിൽ ശ്രീലങ്ക അഫ്ഗാനിസ്താനെയും ബംഗ്ലാദേശ് മലേഷ്യയെയും നേരിടും.
ലോകകപ്പ് ആയതിനാൽ പ്രധാന ടീമുകൾ എല്ലാം അവരുടെ രണ്ടാം ടീമും ആയാണ് ലോകകപ്പിന് എത്തിയിരിക്കുന്നത്. ഇന്ത്യൻ ടീമിനെ റുതുരാജ് ഗെയ്ക്വാദ് ആണ് നയിക്കുന്നത്. പരിശീലകനായി ലക്ഷ്മണനും ടീമിനൊപ്പം ഉണ്ട്.
