2023ലെ ഏഷ്യൻ ഗെയിംസിൽ ഇന്ത്യക്ക് ഒരു സ്വർണ്ണം കൂടെ. ഇന്ന് നടന്ന ഷൂട്ടിങ് ട്രാപ്പ് ഇനത്തിൽ ഇന്ത്യൻ ത്രയം ആയ കിനാൻ ചെനായ്, സൊരാവർ സിംഗ് സന്ധു, പൃഥ്വിരാജ് തൊണ്ടൈമാൻ എന്നിവരടങ്ങുന്ന ഇന്ത്യൻ പുരുഷ ടീം ആണ് സ്വർണം നേടിയത്. കുവൈറ്റ്, ചൈന എന്നിവരുടെ ശക്തമായ പോരാട്ടം മറികടക്കാൻ ഇന്ത്യൻ ടീമിനായി.
കുവൈത്തിന്റെ 352ഉം ചൈനയുടെ 346ഉം പോയിന്റും നേട ഇന്ത്യക്ക് പിറകിലായി ഫിനിഷ് ചെയ്തു. മൊത്തം 361 പോയിന്റുകൾ നേടി ഇന്ത്യ ഒന്നാമതും ഫിനിഷ് ചെയ്തു. ഇന്ത്യ ഷൂട്ടിംഗിൽ ഇതോടെ 7 സ്വർണവും 9 വെള്ളിയും 5 വെങ്കലവുമായി 21 മെഡൽ ആണ് സ്വന്തമാക്കിയത്. സ്വർണ മെഡൽ നേട്ടത്തിന് പുറമെ ചെനായും സന്ധുവും വ്യക്തിഗത ഫൈനലിലേക്കും യോഗ്യത നേടിയിട്ടുണ്ട്.
