ചൈനയിൽ നടക്കുന്ന ഏഷ്യൻ ഗെയിംസിൽ ഇന്ത്യക്ക് സ്ക്വാഷിൽ സ്വർണ്ണം. പുരുഷ ടീം സ്വർണ്ണ മെഡൽ മത്സരത്തിൽ അയൽ രാജ്യമായ പാകിസ്താനെ ആണ് തോൽപ്പിച്ചത്. 2-1 എന്നായിരുന്നു സ്കോർ. അവസാനം അഭയ് സിങ് നടത്തിയ വീരോചിതമായ പോരാട്ടമാണ് ഇന്ത്യക്ക് ജയം നൽകിയത്.
അഭയ് സിംഗും സമാനും തമ്മിലുള്ള പോരാട്ടം 11-7, 9-11, 8-11, 11-9, 12-10 എന്ന സ്കോറിലാണ് അവസാനിച്ചത്. രണ്ട് തവണ ഗോൾഡ് പോയിന്റിൽ പാകിസ്താൻ എത്തി എങ്കിലും അഭയ് അവിടെ നിന്നും ഇന്ത്യയെ കരകയറ്റി. അഭയ് സിംഗ്, സൗരവ് ഘോഷാൽ, മഹേഷ് മംഗാവോ,എന്നിവരായിരുന്നു ഇന്ത്യക്ക് ആയി പോരാടിയത്‌. ഇന്ത്യയുടെ ഈ ഏഷ്യൻ ഗെയിംസിലെ പത്താം സ്വർണ്ണമാണിത്‌.
