യൂറോ കപ്പ് യോഗ്യത പോരാട്ടത്തിൽ സ്ലൊവാക്യെ നേരിട്ട പോർച്ചുഗലിന് വിജയം. മറുപടിയില്ലാത്ത ഏക ഗോളിനാണ് പോർച്ചുഗൽ ഇന്ന് വിജയിച്ചത്. പോർച്ചുഗലിന് കാര്യങ്ങൾ അത്ര എളുപ്പമായിരുന്നില്ല. പോർച്ചുഗലിനൊപ്പം പിടിച്ചു നിന്ന സ്ലൊവാക്യ റൊണാൾഡോക്ക് ഒന്നും അധികം അവസരങ്ങൾ നൽകിയില്ല. ആദ്യ പകുതിയിൽ വന്ന ബ്രൂണോ ഫെർണാണ്ടസിന്റെ ഗോളാണ് അവരുടെ വിജയ ഗോളായി മാറിയത്.
മത്സരത്തിന്റെ 43ആം മിനുട്ടിലായിരുന്നു ബ്രൂണോയുടെ ഗോൾ. വലതു വിങ്ങിലൂടെ ഒരു നല്ല റൺ നടത്തിയ ബ്രൂണോ അസാധ്യം എന്ന് തോന്നിയ ഒരു ആങ്കിളിൽ നിന്ന് തൊടുത്ത ഷോട്ട് ഗോളായി മാറുകയായിരുന്നു. ഈ വിജയത്തോടെ പോർച്ചുഗൽ ഗ്രൂപ്പ് ജെയിൽ 15 പോയിന്റുമായി ഒന്നാമത് നിൽക്കുകയാണ്‌. കളിച്ച അഞ്ചു മത്സരങ്ങളും അവർ വിജയിച്ചു. സ്ലൊവാക്യ 10 പോയിന്റുമായി രണ്ടാം സ്ഥാനത്തും നിൽക്കുന്നു.
