ഓഗസ്റ്റ് 30-ന് ആരംഭിക്കുന്ന, പാക്കിസ്ഥാനിലും ശ്രീലങ്കയിലും ആയി നടക്കുന്ന, ഏഷ്യാ കപ്പ് 2023 ടൂർണമെന്റിനുള്ള ടീമിനെ ഇന്ത്യ നാളെ പ്രഖ്യാപിക്കും. ടീം തിരഞ്ഞെടുക്കുന്നതിനായി ഇന്ത്യൻ ക്രിക്കറ്റ് കൺട്രോൾ ബോർഡ് (BCCI) പുരുഷ സീനിയർ സെലക്ഷൻ കമ്മിറ്റി തിങ്കളാഴ്ച ന്യൂഡൽഹിയിൽ യോഗം ചേരും. അജിത് അഗാർക്കർ നയിക്കുന്ന സെലക്ഷൻ മീറ്റിംഗിൽ ക്യാപ്റ്റൻ രോഹിത് ശർമ്മയും പങ്കെടുക്കും.
ആതിഥേയരായ പാകിസ്ഥാൻ, ബംഗ്ലാദേശ്, നേപ്പാൾ എന്നിവർ ഇതിനാം ടീം പ്രഖ്യാപിച്ചിട്ടുണ്ട്. 17 അംഗ ടീം വരെ പ്രഖ്യാപിക്കാം എങ്കിലും ഇന്ത്യ 15 അംഗ ടീം പ്രഖ്യാപിക്കാൻ ആണ് സാധ്യത എന്ന് റിപ്പോർട്ടുകൾ പറയുന്നു. പരിക്ക് മാറി എത്തിയ ജസ്പ്രീത് ബുംറ, പ്രസിദ് കൃഷ്ണ എന്നിവർ ടീമിൽ എത്തും. കെഎൽ രാഹുൽ , ശ്രേയസ് അയ്യർ എന്നിവരുടെ സ്ഥാനം നാളെ മാത്രമെ തീരുമാനമാകൂ.
സഞ്ജു സാംസൺ സ്ക്വാഡിന് പുറത്ത് ആയിരിക്കും എന്നുൻ റിപ്പോർട്ടുകൾ ഉണ്ട്. സഞ്ജു ഏകദിനത്തിൽ നല്ല ഫോമിൽ ആണെങ്കിലും സഞ്ജുവിനെ ടീം വിശ്വാസത്തിൽ എടുക്കാൻ സാധ്യതയില്ല. ഫോമിൽ ഇല്ലാത്ത സൂര്യകുമാർ ഉൾപ്പെടുമോ എന്നതും സംശയമാണ്‌.
