19കാരനായ അരജന്റീനൻ യുവതാരം അലെഹോ വെലിസിനെ ടോട്ടനം സ്വന്തമാക്കി. ടോട്ടൻഹാമും അർജന്റീനൻ ക്ലബായ റൊസാരിയോ സെൻട്രലും തമ്മിൽ കരാർ ധാരണയിലെത്തി എന്ന് ഫാബ്രിസിയോ റൊമാനോ സ്ഥിരീകരിച്ചു.
സ്പർസ് നൽകിയ 15 ദശലക്ഷം യൂറോ ബിഡ് അർജന്റീനിയൻ പ്രൈമറ ഡിവിഷൻ സൈഡ് സ്വീകരിച്ചു. വെലിസിന്റെ മെഡിക്കൽ അടുത്ത ദിവസങ്ങളിൽ നടക്കും. അതിനു ശേഷം ഔദ്യോഗിക പ്രഖ്യാപനം വരും. 2027-28 കാമ്പെയ്‌നിന്റെ അവസാനം വരെ നീണ്ടു നിൽക്കുന്ന കരാർ വെലിസ് സ്പർസിൽ ഒപ്പിടും.
2022-23 അർജന്റീന പ്രൈമറ ഡിവിഷനിൽ 23 മത്സരങ്ങളിൽ നിന്ന് 11 ഗോളുകളും ഒരു അസിസ്റ്റും വെലിസ് നേടിയിരുന്നു. അണ്ടർ 20 അർജന്റീന ദേശീയ ടീമിനായി ഒമ്പത് മത്സരങ്ങൾ കളിച്ച അദ്ദേഹം നാലു ഗോളുകളും നേടി. ഈ സീസണിൽ തന്നെ സ്പർസിന്റെ ഫസ്റ്റ് ടീമിനൊപ്പം വെലിസ് പ്രവർത്തിക്കും എന്നാണ് സൂചനകൾ.
