ആർ.ബി ലൈപ്സിഗിന്റെ യുവ ക്രൊയേഷ്യൻ പ്രതിരോധതാരം ജോസ്കോ ഗ്വാർഡിയോൾ ഇനി മാഞ്ചസ്റ്റർ സിറ്റി താരം. 90 മില്യൺ യൂറോ നൽകിയാണ് താരത്തെ മാഞ്ചസ്റ്റർ സിറ്റി സ്വന്തമാക്കുന്നത്. ലോകത്തിലെ തന്നെ ഏറ്റവും വിലപിടിപ്പുള്ള പ്രതിരോധ താരങ്ങളിൽ ഒരാൾ ആയി ഗ്വാർഡിയോൾ മാറും.
90 മില്യൺ യൂറോയുടെ മുകളിൽ ആഡ് ഓണുകൾ ഒന്നും ഈ കരാറിൽ ഇല്ല. ജൂണിൽ തന്നെ യൂറോപ്യൻ ജേതാക്കളും ആയി ക്രൊയേഷ്യൻ താരം ദീർഘകാല കരാറിൽ ധാരണയിൽ എത്തിയത് ആയിരുന്നു. ഇന്ന് തന്നെ മാഞ്ചസ്റ്ററിൽ എത്തുന്ന താരം നാളെ മെഡിക്കലിന് വിധേയനാവും. തുടർന്ന് ഔദ്യോഗിക പ്രഖ്യാപനവും എത്തും.
