വനിത ലോകകപ്പിൽ ആതിഥേയരായ ഓസ്ട്രേലിയക്ക് വമ്പൻ തിരിച്ചടി. അവരുടെ സൂപ്പർ താരവും ക്യാപ്റ്റനും ആയ സാം കെർ ആദ്യ രണ്ടു ഗ്രൂപ്പ് മത്സരങ്ങൾ കളിക്കില്ല എന്നു അവർ അറിയിച്ചു. പരിശീലനത്തിന് ഇടയിൽ കാഫിന് പരിക്കേറ്റത് ആണ് താരത്തിന് വിനയായത്.
ലോകത്തിലെ തന്നെ ഏറ്റവും മികച്ച താരങ്ങളിൽ ഒരാൾ ആയ ചെൽസി താരത്തിന്റെ അഭാവം ഓസ്ട്രേലിയക്ക് വലിയ നഷ്ടം ആണ്. ഇന്ന് 3.30 നു നടക്കുന്ന ഗ്രൂപ്പ് ബിയിലെ ആദ്യ മത്സരത്തിൽ അയർലന്റ് ആണ് ഓസ്ട്രേലിയയുടെ ആദ്യ എതിരാളികൾ. ഈ മത്സരവും 27 നു നടക്കുന്ന നൈജീരിയക്ക് എതിരായ മത്സരവും ഇതോടെ സാം കെറിനു നഷ്ടമാകും.
