മൂന്നാം ആഷസ് ടെസ്റ്റിന്റെ ആദ്യ ദിനം തുടക്കത്തിൽ ഇംഗ്ലണ്ട് മേൽക്കൈ നേടി. ഓസ്ട്രേലിയയെ ഉച്ചഭക്ഷണത്തിന് പിരിയുമ്പോൾ 91/4 എന്ന നിലയിൽ ആക്കാൻ ഇംഗ്ലണ്ടിനായി. ആദ്യം ബൗൾ ചെയ്യാൻ തിരഞ്ഞെടുത്ത ഇംഗ്ലണ്ടിന്റെ ബൗളർമാർ അവരുടെ പദ്ധതികൾ ഉജ്ജ്വലമായി നടപ്പിലാക്കി, സ്റ്റുവർട്ട് ബ്രോഡ് രണ്ട് നിർണായക വിക്കറ്റുകൾ നേടി. ഡേവിഡ് വാർണറും (4) സ്റ്റീവ് സ്മിത്തും (22) ആണ് ബ്രോഡിന് മുന്നിൽ വീണത്.
ഉസ്മാൻ ഖവാജ 13 റൺസ് എടുത്ത് നിൽക്കെ വുഡിന്റെ പന്തിൽ ബൗൾഡ് ആയി. മർനസ് ലബുഷാഗ്നെ 21 റൺസ് എടുത്ത് നിൽക്കെ വോക്സിനും വിക്കറ്റ് നൽകി. ഇപ്പോൾ 10 റൺസുമായി ട്രാവിസ് ഹെഡും 5 റൺസുമായി മാർഷുമായി ക്രീസിൽ ഉള്ളത്. പരമ്പരയിൽ ഇപ്പോൾ ഓസ്ട്രേലിയ 2-0ന് മുന്നിലാണ്.
