മുൻ മാഞ്ചസ്റ്റർ യുണൈറ്റഡ് താരം ജെസ്സി ലിംഗാർഡും സൗദി അറേബ്യയിലേക്ക് പോകാൻ സാധ്യത. ലിംഗാർഡ് സൗദിയിൽ നിന്നുള്ള ഓഫറുകൾ പരിഗണിക്കുന്നതായി റിപ്പോർട്ടുകൾ. താരം തന്നെ സൗദിയിൽ നിന്ന് ഓഫറുകൾ പരിഗണിക്കുകയാണ് എന്ന് പറഞ്ഞു. ഇന്റർ മയാമിയും ജെസ്സിക്ക് ആയി രംഗത്ത് ഉണ്ട് എന്നാണ് വിവരങ്ങൾ.
ജെസ്സി ലിംഗാർഡിനെ അദ്ദേഹത്തിന്റെ ക്ലബായ നോട്ടിങ്ഹാം ഫോറസ്റ്റ് റിലീസ് ചെയ്തിരുന്നു. ഒരൊറ്റ വർഷം കൊണ്ട് താരം ക്ലബ് വിടേണ്ടി വന്നത് താരത്തിന്റെ ഫിറ്റ്നസും ഫോമും കാരണമായിരുന്നു. ഫോറസ്റ്റിനായി ആകെ 17 മത്സരങ്ങൾ മാത്രമെ ലിംഗാർഡ് കളിച്ചുള്ളൂ. ലിംഗാർഡിന് കാര്യമായി ഫോറസ്റ്റ് ജേഴ്സിയിൽ തിളങ്ങാൻ ആയില്ല.
താരം പ്രീമിയർ ലീഗിൽ തന്നെ തുടരാൻ ശ്രമിക്കും. മാഞ്ചസ്റ്റർ യുണൈറ്റഡ് അക്കാദമിയിലൂടെ വളർന്നു വന്ന താരമാണ് ലിംഗാർഡ്. അവസാന സീസണുകളിൽ യുണൈറ്റഡിൽ അവസരം കുറഞ്ഞതോടെ ആയിരുന്നു താരം ക്ലബ് വിട്ടത്. മുമ്പ് വെസ്റ്റ് ഹാമിനായി ലോണിൽ കളിച്ചും ലിംഗാർഡ് തിളങ്ങിയിരുന്നു.
