ഇന്നലെ കുവൈറ്റിനെ തോൽപ്പിച്ച് സാഫ് കിരീടം ഉയർത്തിയ ഇന്ത്യൻ ടീമിനെ അഭിനന്ദിച്ച് പ്രധാന മന്ത്രി നരേന്ദ്ര മോദി. ഇന്നലെ പെനാൾട്ടി ഷൂട്ടൗട്ട് വരെ നീണ്ടു നിന്ന പോരാട്ടത്തിന് ഒടുവിലാണ് ഇന്ത്യ കുവൈറ്റിനെ തോൽപ്പിച്ചത്. ഇന്ത്യയുടെ ഒമ്പതാം സാഫ് കിരീടമായിരുന്നു ഇത്.
ഇന്ത്യ വീണ്ടും ചാമ്പ്യന്മാരായി! സാഫ് കപ്പ് നീലക്കടുവകൾ ഭരിക്കുന്നു! ഞങ്ങളുടെ കളിക്കാർക്ക് അഭിനന്ദനങ്ങൾ. മോദി ട്വിറ്ററിലൂടെ പറഞ്ഞു. ഈ അത്‌ലറ്റുകളുടെ നിശ്ചയദാർഢ്യവും കഠിനപ്രയത്നവും കൊണ്ട് ഇന്ത്യൻ ടീം നേടിയ ഈ വിജയങ്ങളും ഈ യാത്രയും, വരാനിരിക്കുന്ന കായികതാരങ്ങൾക്ക് പ്രചോദനമായി തുടരും. എന്നും മോദി പറഞ്ഞു.
