ആഷസിലെ രണ്ടാം ടെസ്റ്റിന്റെ മൂന്നാം ദിവസം അവസാനിക്കുമ്പോള്‍ ഓസ്ട്രേലിയ മികച്ച നിലയിൽ മുന്നേറുന്നു. ഇന്നത്തെ കളി അവസാനിക്കുവാന്‍ 26 ഓവറുകളോളം ബാക്കിയുള്ളപ്പോള്‍ മഴ വില്ലനായി എത്തുകയായിരുന്നു. ഇതോടെ മൂന്നാം ദിവസം അവസാനിച്ചപ്പോള്‍ ഓസ്ട്രേലിയ 130/2 എന്ന നിലയിലായിരുന്നു തങ്ങളുടെ രണ്ടാം ഇന്നിംഗ്സിൽ.
221 റൺസ് ലീഡ് കൈവശമുള്ള ടീമിന് വേണ്ടി 58 റൺസുമായി ഉസ്മാന്‍ ഖവാജയും 6 റൺസ് നേടി സ്റ്റീവന്‍ സ്മിത്തുമാണ്ക്രീസിലുള്ളത്. മാര്‍നസ് ലാബൂഷാനെ(30), ഡേവിഡ് വാര്‍ണര്‍ (17) എന്നിവരുടെ വിക്കറ്റുകളാണ് ടീമിന് നഷ്ടമായത്.
