മാഞ്ചസ്റ്റർ യുണൈറ്റഡ് യുണൈറ്റഡ് സെന്റർ ബാക്ക് ആയ ലിസാൻഡ്രോ മാർട്ടിനസ് താൻ പരിക്ക് മാറി തിരികെയെത്തി എന്ന് പ്രഖ്യാപിച്ചു. താൻ 100% തിരികെയെത്തി എന്ന് ലിസാൻഡ്രോ തന്നെ ഇന്ന് ഔദ്യോഗികമായി അറിയിച്ചു. താരം അവസാന മൂന്ന് മാസമായി പരിക്കേറ്റ് പുറത്തായിരുന്നു. പരിക്ക് മാറാനായി ലിസാൻഡ്രോ ശസ്ത്രക്രിയക്ക് വിധേയനായിരുന്നു.
ലിച്ച പുറത്തായത് സീസൺ അവസാനത്തിൽ മാഞ്ചസ്റ്റർ യുണൈറ്റഡിന് തിരിച്ചടിയായിരുന്നു.ഇനി അടുത്ത പ്രീസീസണിൽ ആകും ലിസാൻഡ്രോ കളത്തിൽ എത്തുക. സെവിയ്യക്ക് എതിരായ യൂറോപ്പ ക്വാർട്ടർ ഫൈനലിൽ അവസാന നിമിഷങ്ങളിൽ ആയിരുന്നു ലിച്ചക്ക് പരിക്കേറ്റത്. മാഞ്ചസ്റ്റർ യുണൈറ്റഡിന്റെ ഈ സീസണിലെ മികച്ച താരങ്ങളിൽ ഒരാളായിരുന്നു ലിസാൻഡ്രോ മാർട്ടിനസ്. അർജന്റീനയുടെ അടുത്ത അന്താരാഷ്ട്ര സ്ക്വാഡിലും ലിസാൻഡ്രോ ഉണ്ടാകും.
