വനിത ആഷസിന്റെ രണ്ടാം ദിവസം ലഞ്ചിനായി ഓസ്ട്രേലിയയും ഇംഗ്ലണ്ടും പിരിയുമ്പോള്‍ ഓസ്ട്രേലിയയ്ക്ക് ആദ്യ ഇന്നിംഗ്സിൽ മികച്ച സ്കോര്‍. 439/8 എന്ന സ്കോര്‍ ആണ് ഓസ്ട്രേലിയ നേടിയിരിക്കുന്നത്. അന്നാബെൽ സത്തര്‍ലാണ്ട് നേടിയ 116 റൺസാണ് ഓസ്ട്രേലിയയെ മുന്നോട്ട് നയിച്ചത്. താരത്തിന് കൂട്ടായി 14 റൺസുമായി കിം ഗാര്‍ത്തും ക്രീസിലുണ്ട്.
അലാന കിംഗിന്റെ(21) വിക്കറ്റ് നഷ്ടമായ ശേഷം 9ാം വിക്കറ്റിൽ 77 റൺസാണ് സത്തര്‍ലാണ്ട് – ഗാര്‍ത്ത് കൂട്ടുകെട്ട് ഓസ്ട്രേലിയയ്ക്കായി നേടിയത്. ഇന്നലെ എൽസെ പെറിയ്ക്ക് ശതകം ഒരു റൺസ് അകലെ നഷ്ടമായിരുന്നു.
