യൂറോ കപ്പ് യോഗ്യത മത്സരത്തിൽ ഗ്രൂപ്പ് എയിലെ പോരാട്ടത്തിൽ സൈപ്രസിനെ ഒന്നിന് എതിരെ മൂന്നു ഗോളുകൾക്ക് മറികടന്നു നോർവെ. കഴിഞ്ഞ കളിയിൽ സ്‌കോട്ട്‌ലൻഡിന് എതിരെ പരാജയപ്പെട്ട അവർ ഇത് നല്ല തിരിച്ചു വരവ് ആയി. ടീമിന് ആയി ഇരട്ടഗോളുകൾ നേടിയ ഏർലിങ് ഹാളണ്ട് ആണ് നോർവെക്ക് ജയം സമ്മാനിച്ചത്. 13 മത്തെ മിനിറ്റിൽ ഹാളണ്ടിന്റെ പാസിൽ നിന്നു ഓല സോബക്കൻ ആണ് നോർവെയുടെ ആദ്യ ഗോൾ നേടിയത്.
തുടർന്ന് 56 മത്തെ മിനിറ്റിൽ ഹാന്റ് ബോളിന് ലഭിച്ച പെനാൽട്ടി ഹാളണ്ട് ഗോൾ ആക്കി മാറ്റി. തുടർന്ന് നാലു മിനിറ്റിനുള്ളിൽ മാർട്ടിൻ ഒഡഗാർഡിന്റെ ത്രൂ ബോളിൽ നിന്നു ഹാളണ്ട് തന്റെ രണ്ടാം ഗോളും കണ്ടത്തി. 93 മത്തെ മിനിറ്റിൽ കാസ്റ്റാനസ് ആണ് സൈപ്രസിന് ആശ്വാസ ഗോൾ സമ്മാനിച്ചത്. ഈ സീസണിൽ രാജ്യത്തിനും ക്ലബിനും ആയി 56 മത്തെ ഗോൾ നേടിയ ഹാളണ്ട് ഗോൾ വേട്ടയിൽ 54 ഗോളുകൾ ഈ സീസണിൽ നേടിയ കിലിയൻ എംബപ്പെയെ മറികടന്നു.
