ലോകകപ്പ് യോഗ്യത മത്സരങ്ങളിൽ അയര്‍ലണ്ടിനെ അട്ടിമറിച്ച് ഒമാന്‍. 282 റൺസ് വിജയം ലക്ഷ്യം തേടിയിറങ്ങിയ ഒമാന്‍ 285/5 എന്ന സ്കോര്‍ 48.1 ഓവറിൽ നേടി വിജയം കരസ്ഥമാക്കുകയായിരുന്നു. 72 റൺസ് നേടിയ കശ്യപ് പ്രജാപതിയ്ക്കൊപ്പം അഖിബ് ഇല്യാസ്(52), സീഷന്‍ മക്സൂദ്(59), മൊഹമ്മദ് നസീം(46*) എന്നിവരാണ് ഒമാന്റെ വിജയം ഒരുക്കിയത്.
അയാന്‍ ഖാന്‍ 21 റൺസും ഷൊയ്ബ് ഖാന്‍ 19 റൺസിന്റെയും നിര്‍ണ്ണായക സംഭാവനകള്‍ നൽകി. അയര്‍ലണ്ടിനായി ജോഷ്വ ലിറ്റിലും മാര്‍ക്ക് അഡൈറും രണ്ട് വീതം വിക്കറ്റ് നേടി.
