ഞായറാഴ്ച അഹമ്മദാബാദിൽ നടക്കുന്ന ഫൈനൽ മൊയീൻ അലിയുടെ രാത്രിയാകും എന്ന് ആകാശ് ചോപ്ര. ഇംഗ്ലണ്ട് ഓൾറൗണ്ടർക്ക് ഈ സീസണിൽ ഇതുവരെ കാര്യമായി മികച്ച പ്രകടനം കാഴ്ചവെക്കാൻ ആയിട്ടില്ല. അതിന് ഇന്ന് അവാസാനം ആകും എന്ന് ചോപ്ര പറയുന്നു. കഴിഞ്ഞ കുറച്ച് സീസണുകളിൽ സിഎസ്കെയുടെ പ്രധാന താരമായിരുന്നു മൊയിൻ, ഈ സീസണിൽ എന്ന കളിച്ച 14 മത്സരങ്ങളിൽ നിന്ന് 17.71 ശരാശരിയിൽ 124 റൺസ് മാത്രമാണ് മൊയീൻ നേടിയത്.
“ക്യാപ്റ്റൻ ധോണി അവനെ ഒട്ടും ഉപയോഗിക്കുന്നില്ല. അവൻ അവനെ ബാറ്റ് ചെയ്യാനോ ബൗൾ ചെയ്യാനോ അനുവദിക്കുന്നില്ല. ധോണി മൊയീൻ അലിക്ക് ആയി പ്ലാൻ വെച്ചിട്ടുണ്ടാകാം. ഇത് അവന്റെ രാത്രിയാകാം.” ചോപ്ര പറഞ്ഞു.
ജഡേജയുടെ ബൗളിംഗ് അഹമ്മദബാദിൽ വിജയിക്കില്ല എന്നും ആകാശ് ചോപ്ര പറയുന്നു.
“ജഡേജ ബാറ്റ് കൊണ്ട് നന്നായി വന്നേക്കാം, പക്ഷേ അവന്റെ ബൗളിംഗ് ഇവിടെ നന്നായി പ്രവർത്തിച്ചേക്കില്ല. കാരണം പിച്ച് ബാറ്റിംഗിന് അനുകൂലമായിരിക്കില്ല.” ചോപ്ര പറഞ്ഞു.
