സൗദി പ്രൊ ലീഗിൽ ഇന്ന് വിജയിച്ചിരുന്നു എങ്കിൽ തൽക്കാലത്തേക്ക് എങ്കിലും റൊണാൾഡോക്കും അൽ നസറിന് ലീഗിൽ ഒന്നാമത് എത്താമായിരുന്നു. എന്നാൽ ഇന്ന് അൽ നസർ സ്വന്തം ഹോം ഗ്രൗണ്ടിൽ അൽ ഖലീജിനോട് സമനില വഴങ്ങി. 1-1 എന്ന സ്കോറിലാണ് മത്സരം അവസാനിച്ചത്. ക്രിസ്റ്റ്യാനോ റൊണാൾഡോക്ക് ഇന്ന് ഗോൾ നേടാനും ആയില്ല.
ഇന്ന് നാലാം മിനുട്ടിൽ മാർട്ടിൻസിലൂടെ ഖലീജ് ആണ് ലീഡ് എടുത്തത്. ഈ ഗോളിന് 17ആം മിനുട്ടിൽ ഗോൺസാലസിലൂടെ അൽ നസർ മറുപടി പറഞ്ഞു. പക്ഷേ അതിനു ശേഷം വിജയ ഗോൾ നേടാൻ അൽ നസറിലായില്ല. ഈ സമനിലയോടെ 26 മത്സരങ്ങളിൽ നിന്ന് 57 പോയിന്റുമായി ലീഗിൽ രണ്ടാമത് നിൽക്കുകയാണ് അൽ നസർ. ഒരു മത്സരം കുറവ് കളിച്ച അൽ ഇത്തിഹാദ് 59 പോയിന്റുമായി ഒന്നാമത് നിൽക്കുന്നു.
