നോർത്ത് ഈസ്റ്റ് യുണൈറ്റഡിന്റെ താരമായിരുന്ന ഇമ്രാൻ ഖാൻ ജംഷദ്പൂദിലേക്ക്. താരവും ജംഷദ്പൂരുമായി കരാർ ധാരണയിൽ ആയിട്ടുണ്ട് എന്ന് KhelNow റിപ്പോർട്ട് ചെയ്യുന്നു. അവസാന രണ്ടു സീസണുകളായി ഇമ്രാൻ ഖാൻ നോർത്ത് ഈസ്റ്റ് യുണൈറ്റഡിന് ഒപ്പം ആയിരുന്നു. കഴിഞ്ഞ സീസണിൽ 14 മത്സരങ്ങൾ കളിച്ച താരം ഒരു ഗോളും ഒരു അസിസ്റ്റും സംഭാവന ചെയ്തിരുന്നു. ഇപ്പോൾ ജംഷദ്പൂരിൽ താരം രണ്ട് വർഷത്തെ കരാർ ആകും ഒപ്പുവെക്കുക.
മുമ്പ് നെരോകയ്ക്ക് വേണ്ടിയും മോഹൻ ബഗാനായും ഇമ്രാൻ കളിച്ചിട്ടുണ്ട്. മുമ്പ് ഗോകുലം കേരള എഫ് സിയുടെ അറ്റാക്കിങ് നിരയിലൽ ഉണ്ടായിരുന്ന താരമാണ് ഇമ്രാൻ. മണിപ്പൂർ സ്വദേശിയാണ്. രണ്ട് സീസണോളം ഇമ്രാൻ ഖാൻ എഫ് സി ഗോവയിലും ഉണ്ടായിരുന്നു. 28 കാരനായ ഇമ്രാൻ വിങ്ങറായും മധ്യനിരയിലും കളിക്കാൻ കഴിവുള്ള താരമാണ്. മുമ്പ് ഫതേഹ് ഹൈദരബാദിനായും മണിപ്പൂർ സന്തോഷ് ട്രോഫി ടീമിനായും ഇമ്രാൻ കളിച്ചിട്ടുണ്ട്.
