ഇന്നലെ റിങ്കു സിംഗ് അവസാന പന്തിൽ 5 സിക്സ് അടിച്ചു കളി വിജയിച്ചപ്പോൾ ഏറെ വേദനിക്കേണ്ടി വന്നത് ഗുജറാത്തിന്റെ ബൗളർ യാഷ് ദയാൽ ആയിരുന്നു. താരം അഞ്ച് സിക്സു വാങ്ങി വേദനയോടെ ഇരിക്കുകയായിരുന്നു. റിങ്കു സിംഗിന്റെ ഇന്നിംഗ്സ് ആഘോഷിച്ച കെ കെ ആർ യാഷ് ദയാലിനെ മറന്നില്ല. താരത്തിനു പിന്തുണയുമായി സാമൂഹിക മാധ്യമങ്ങളിൽ കെ കെ ആർ പോസ്റ്റുകൾ പങ്കുവെച്ചു.
തോൽവിയുടെ തല ഉയർത്തി നിൽക്കണം എന്നും ഇത്തരം കാര്യങ്ങൾ ലോകത്തെ മികച്ച ബൗളർമാർക്ക് അടക്കം സംഭവിക്കുന്നത് ആണെന്നും കെ കെ ആർ പറഞ്ഞു.
“ചിൻ അപ്പ്,. ഒരു പ്രയാസകരമായ ദിവസം മാത്രമാണിത്, ക്രിക്കറ്റിലെ ഏറ്റവും മികച്ച കളിക്കാർക്ക് ഇത് സംഭവിക്കുന്നു. നിങ്ങളൊരു ചാമ്പ്യനാണ്,നിങ്ങൾ ശക്തമായി തിരിച്ചുവരും.” കെ കെ ആർ ഇൻസ്റ്റഗ്രാമിൽ കുറിച്ചു.
