നിതു ഘംഗാസിനും നിഖത് സരിനും പിന്നാലെ ഇന്ത്യയുടെ ലോവ്ലീന ബോര്‍ഗോഹൈനും സാവീതിയും വനിത ലോക ബോക്സിംഗ് ചാമ്പ്യന്‍ഷിപ്പ്സ് ഫൈനലില്‍. ഇതോടെ ഇന്ത്യയുടെ നാല് താരങ്ങളാണ് ഫൈനലിന് യോഗ്യത നേടിയിരിക്കുന്നത്.
സാവീതി ബൂറ 81 കിലോ വിഭാഗം സെമിയിൽ ഓസ്ട്രേലിയന്‍ താരത്തിനെ പിന്തള്ളിയാണ് ഫൈനലിലെത്തുന്നത്. 2014ലും താരം ഫൈനലില്‍ പ്രവേശിച്ചിരുന്നു.
ലോവ്ലീന 75 കിലോ വിഭാഗത്തിൽ മുന്‍ ലോക ചാമ്പ്യനും രണ്ട് വട്ടം ഒളിമ്പിക്സ് മെഡൽ ജേതാവുമായ ലീ കിയാനിനെ 4-1 എന്ന സ്കോറിനാണ് പരാജയപ്പെടുത്തിയത്.
