സൗദി അറേബ്യയിൽ നടന്ന സന്തോഷ് ട്രോഫി ആദ്യ സെമി ഫൈനലിൽ പഞ്ചാബിനെ തോൽപ്പിച്ച് കൊണ്ട് മേഘാലയ ഫൈനൽ ഉറപ്പിച്ചു. ആവേശകരമായ മത്സരത്തിൽ ഇഞ്ച്വറി ടൈമിൽ പിറന്ന ഒരു ഗോളിന്റെ ബലത്തിൽ 2-1 എന്ന സ്കോറിനായിരുന്നു മേഘാലയുടെ വിജയം. അവർ ഇതാദ്യമായാണ് സന്തോഷ് ട്രോഫി ഫൈനലിൽ എത്തുന്നത്. പതിനാറാം മിനുട്ടിൽ പാർമ്ജിതിലൂടെ പഞ്ചാബ് ആയിരുന്നു ഇന്ന് ലീഡ് എടുത്തത്.
37ആം മിനുട്ടിൽ ഒരു ഫ്രീകിക്കിലൂടെ ഫിഗോ മേഘാലയക്ക് സമനില നൽകി. പിന്നെ വിജയ ഗോളിനായുള്ള പോരാട്ടമായിരുന്നു. 91ആം മിനുട്ടിൽ ഷീൻ സ്റ്റിവൻസണിലൂടെ മേഘാലയ വിജയം ഉറപ്പിച്ചു. ഇന്ന് രാത്രി രണ്ടാം സെമിയിൽ കർണാടക സർവീസസിനെ നേരിടും.
