2023 ടി20 ബ്ലാസ്റ്റിൽ ഓസ്ട്രേലിയന്‍ ഓള്‍റൗണ്ടര്‍ ഗ്ലെന്‍ മാക്സ്വെൽ വാര്‍വിക്ക്ഷയറിന് വേണ്ടി കളിക്കും. ഹസന്‍ അലിയ്ക്ക് പുറമെ രണ്ടാമത്തെ വിദേശ സൈനിംഗ് ആയാണ് ഈ വെടിക്കെട്ട് ബാറ്റിംഗ് താരം കൗണ്ടി ക്ലബിലേക്ക് എത്തുന്നത്.
ഐപിഎലില്‍ റോയൽ ചലഞ്ചേഴ്സ് ബാംഗ്ലൂരിന്റെ മത്സരങ്ങള്‍ക്ക് ശേഷം മാക്സ്വെൽ സ്ക്വാഡിനൊപ്പം ചേരുമെന്നാണ് അറിയുന്നത്. മുമ്പ് ഹാംഷയര്‍, സറേ, യോര്‍ക്ക്ഷയര്‍, ലങ്കാഷയര്‍ എന്നിവര്‍ക്കായി കൗണ്ടി ക്രിക്കറ്റ് കളിച്ചിട്ടുള്ള താരമാണ് മാക്സ്വെൽ.
കഴിഞ്ഞ നവംബറിൽ പരിക്കേറ്റ താരം 2023ൽ ഇതുവരെ ക്രിക്കറ്റ് കളിയിലേക്ക് മടങ്ങിയെത്തിയിട്ടില്ല.
