ക്രിസ്റ്റ്യാനോ റൊണാൾഡോ നാളെ അൽ നാസർ ക്ലബിന്റെ ഹോൻ ഗ്രൗണ്ടിൽ എത്തും. നാളെ (ജനുവരി 3 ന്) ക്ലബ്ബ് ആരാധകർക്ക് മുന്നിൽ റൊണാൾഡോയെ ഔദ്യോഗികമായി അവതരിപ്പിക്കും. മാഞ്ചസ്റ്റർ യുണൈറ്റഡ് വിട്ട റൊണാൾഡോ കഴിഞ്ഞ ആഴ്ച ആയിരുന്നു അൽ നാസർ ക്ലബിൽ ചേർന്നത്. നാളെ വലിയ ആഘോഷത്തോടെ ആകും റൊണാൾഡോയുടെ പ്രസന്റേഷൻ നടക്കുക.
പോർച്ചുഗീസ് സൂപ്പർതാരത്തെ ടീമിന്റെ ജേഴ്സിയിൽ ജനുവരി 3 ന് പ്രാദേശിക സമയം വൈകുന്നേരം 7 മണിക്ക് Mrsool പാർക്കിൽ അവതരിപ്പിക്കും എന്നാണ് അൽ നാസർ ഇന്ന് ട്വിറ്ററിലൂടെ അറിയിച്ചത്.
“All eyes on Riyadh as the world’s greatest @Cristiano will be unveiled in Al Nassr colours for the very first time 🔥⌛️ ” എന്നായിരിന്നു അൽ നാസർ ക്ലബിന്റെ ട്വീറ്റ്. ലോക ഫുട്ബോളിൽ ഇതുവരെ കാണാത്ത റെക്കോർഡ് കരാറിനാണ് ക്രിസ്റ്റ്യാനോ അൽ നാസറിന്റെ ഭാഗമായി മാറിയത്.
