ഇംഗ്ലണ്ട് യുവതാരം ഹാരി ബ്രൂക്കിനെ സ്വന്തമാക്കി സൺറൈസേഴ്സ് ഹൈദ്രാബാദ്. 13.25 കോടി രൂപയ്ക്കാണ് താരത്തിനെ സൺറൈസേഴ്സ് സ്വന്തമാക്കിയത്. റോയൽ ചലഞ്ചേഴ്സ് ബാംഗ്ലൂര്‍, രാജസ്ഥാന്‍ റോയൽസ്, സൺറൈസേഴ്സ് ഹൈദ്രാബാദ് എന്നിവരാണ് ഇംഗ്ലണ്ട് യുവ താരത്തിനായി രംഗത്തെത്തിയത്.
രാജസ്ഥാന്‍ റോയൽസ് ആണ് ആദ്യം താരത്തിനായി രംഗത്തെത്തിയത്. പിന്നീട് ആര്‍സിബിയും രംഗത്തെത്തിയപ്പോള്‍ വില അഞ്ച് കോടിയ്ക്ക് മേലെയായി. ആര്‍സിബി പിന്മാറിയപ്പോള്‍ സൺറൈസേഴ്സ് രംഗത്തെത്തി. രാജസ്ഥാന്റെ കനത്ത വെല്ലുവിളിയെ മറികടന്നാണ് സൺറൈസേഴ്സ് ബ്രൂക്കിനെ സ്വന്തമാക്കിയത്.
1.50 കോടി രൂപ മാത്രം അടിസ്ഥാന വിലയുണ്ടായിരുന്ന താരം ലേലത്തിൽ രണ്ടാമത്തെ താരമായി ആണ് എത്തിയത്.
