ഫോമിൽ അല്ലാ എന്ന വിമർശനങ്ങൾക്ക് നല്ല മറുപടിയുമായി ന്യൂസിലൻഡ് ക്യാപ്റ്റൻ കെയ്ൻ വില്യംസൺ. ഇന്ന് അയർലണ്ടിനെതിരായ മത്സരത്തിൽ വില്യംസൺ നേടിയ അർധ സെഞ്ച്വറിയുടെ മികവിൽ ന്യൂസിലൻഡ് മികച്ച സ്കോർ നേടി. 20 ഓവറിൽ 6 വിക്കറ്റ് നഷ്ടത്തിൽ 185 റൺസ് എടുക്കാൻ അവർക്ക് ആയി. 35 പന്തിൽ നിന്ന് 61 റൺസുമായി വില്യംസൺ ടോപ് സ്കോറർ ആയി. 3 സിക്സും 5 ഫോറും അടങ്ങുന്നത് ആയിരിന്നു താരത്തിന്റെ ഇന്നിങ്സ്.
18 പന്തിൽ 32 റൺസ് എടുത്ത ഫിൻ അലൻ, 21 പന്തിൽ നിന്ന് 31 റൺസ് എടുത്ത മിച്ചൽ എന്നിവരും ന്യൂസിലൻഡിനായി തിളങ്ങി. അയർലണ്ടിനായി ജോഷുവ ലിറ്റിൽ 3 വിക്കറ്റുകൾ വീഴ്ത്തി. ഡെലൈനി 2ഉം അദൈർ ഒരു വിക്കറ്റുൻ വീഴ്ത്തി.
