പഞ്ചാബ് കിംഗ്സ് വരുന്ന ഐപിഎൽ സീസണിൽ മയാംഗിന് പകരം ശിഖര്‍ ധവാനെ ക്യാപ്റ്റനായി പ്രഖ്യാപിച്ച് പഞ്ചാബ് കിംഗ്സ്. ഫ്രാഞ്ചൈസിയുടെ ഇന്നത്തെ ബോര്‍ഡ് മീറ്റിംഗിലാണ് ഇതിന് അംഗീകാരം ലഭിച്ചത്.
മോശം സീസണിനെ തുടര്‍ന്ന് മുഖ്യ കോച്ച് അനിൽ കുംബ്ലെയേ മാറ്റി പകരം ട്രെവർ ബെയിലിസ്സിനെ കോച്ചായി പഞ്ചാബ് കഴിഞ്ഞ മാസം പ്രഖ്യാപിച്ചിരുന്നു. മയാംഗ് അഗര്‍വാളിനെ റീടെയ്ന്‍ ചെയ്യണോ റിലീസ് ചെയ്യണോ ട്രേഡ് ചെയ്യണോ എന്ന കാര്യത്തില്‍ ഫ്രാഞ്ചൈസി ഉടന്‍ തീരുമാനം എടുക്കുമെന്നാണ് അറിയുന്നത്.
നവംബര്‍ 15ന് ആണ് റീലീസ് ചെയ്യുന്ന താരങ്ങളുടെ പട്ടിക നൽകുവാനുള്ള അവസാന തീയ്യതി. ഐപിഎൽ ലേലം ഡിസംബര്‍ മൂന്നാമത്തെ ആഴ്ച നടക്കും.
