ഇറാനി കപ്പിൽ രഞ്ജി ചാമ്പ്യന്മാരായ സൗരാഷ്ട്രയെ 98 റൺസിന് എറിഞ്ഞിട്ട് റെസ്റ്റ് ഓഫ് ഇന്ത്യ. ഇന്ന് മുകേഷ് കുമാര്‍, കുൽദീപ് സെന്‍, ഉമ്രാന്‍ മാലിക് എന്നിവരുടെ തകര്‍പ്പന്‍ ബൗളിംഗ് പ്രകടനത്തിന് മുന്നിൽ പിടിച്ചു നിൽക്കുവാന്‍ സൗരാഷ്ട്ര ബുദ്ധിമുട്ടിയപ്പോള്‍ ടീം 24.5 ഓവറിൽ ഓള്‍ഔട്ട് ആയി.
28 റൺസ് നേടിയ ധര്‍മ്മേന്ദ്രസിന്‍ഹ് ജഡേജയാണ് സൗരാഷ്ട്രയുടെ ടോപ് സ്കോറര്‍. അര്‍പിത് വാസവദ 22 റംസും ചേതന്‍ സക്കറിയ 13 റൺസും നേടി. റെസ്റ്റ് ഓഫ് ഇന്ത്യയ്ക്കായി മുകേഷ് കുമാര്‍ നാലും ഉമ്രാന്‍ മാലിക്കും കുൽദീപ് സെന്നും മൂന്ന് വീതം വിക്കറ്റും നേടി.
