സാഫ് കപ്പിലെ ഗ്രൂപ്പ് ഘട്ടത്തിലെ അവസാന മത്സരത്തിൽ ഇന്ത്യക്ക് ഞെട്ടിക്കുന്ന പരാജയം. ബംഗ്ലാദേശിനെ നേരിട്ട ഇന്ത്യ എതിരില്ലാത്ത മൂന്ന് ഗോളുകളുടെ പരാജയമാണ് ഏറ്റുവാങ്ങിയത്. ഇത്തരം ഒരു പരാജയം ഇന്ത്യൻ ടീം പ്രതീക്ഷിച്ചിരുന്നില്ല. ആദ്യ പകുതിയിൽ തന്നെ ഇന്ത്യൻ രണ്ട് ഗോളുകൾക്ക് പിറകിൽ പോയി. 12ആം മിനുട്ടിൽ ജഹാൻ ഷോപ്ന ആണ് ബംഗ്ലകൾക്ക് ലീഡ് നൽകിയത്.
22ആം മിനുട്ടിൽ സ്രിമൊതി സർക്കാർ ലീഡ് ഇരട്ടിയാക്കി. രണ്ടാം പകുതിയിൽ വീണ്ടും ഷോപ്ന ഗോൾ നേടിയതോടെ പരാജയം പൂർത്തിയായി. പരാജയപ്പെട്ടു എങ്കിലും ഇന്ത്യ സെമി ഫൈനൽ നേരത്തെ ഉറപ്പിച്ചിരുന്നു. സെമി ഫൈനലിൽ നേപ്പാൾ ആകും ഇന്ത്യയുടെ എതിരാളികൾ. ബംഗ്ലാദേ് ഭൂട്ടാനെയും നേരിടും
