ഐസിസി ക്രിക്കറ്റ് ലോകകപ്പ് ലീഗ് 2 മത്സരത്തിൽ യുഎഇയെ തറപറ്റിച്ച് സ്കോട്‍ലാന്‍ഡ്. ഇന്നലെ നടന്ന മത്സരത്തിൽ 254/9 എന്ന സ്കോറാണ് സ്കോട്‍ലാന്‍ഡ് 50 ഓവറിൽ നേടിയത്. എതിരാളികളെ 41 ഓവറിൽ 168 റൺസിലൊതുക്കിയാണ് സ്കോട്‍ലാന്‍ഡിന്റെ 86 റൺസ് വിജയം.
മാത്യു ക്രോസ്(85), കാലം മക്ലോഡ്(77) എന്നിവരുടെ ബാറ്റിംഗിനൊപ്പം മാര്‍ക്ക് വാട്ട് 29 റൺസ് നേടിയപ്പോള്‍ സ്കോട്‍ലാന്‍ഡ് 254 റൺസ് നേടുകയായിരുന്നു.
യുഎഇയ്ക്ക് വേണ്ടി വൃത്തിയ അരവിന്ദ് 50 റൺസ് നേടി ടോപ് സ്കോറര്‍ ആയപ്പോള്‍ 5 വിക്കറ്റ് നേട്ടവുമായി മാര്‍ക്ക് വാട്ടാണ് സ്കോട്‍ലാന്‍ഡ് ബൗളിംഗിൽ തിളങ്ങിയത്.
