റയൽ മാഡ്രിഡ് മൊണാക്കോയുടെ യുവ മിഡ്ഫീൽഡർ ഔറലിൻ ചൗമെനി സ്വന്തമാക്കാനുള്ള ശ്രമങ്ങൾ തുടരുകയാണ്. റയലും മൊണാക്കോയും തമ്മിൽ ഇതു സംബന്ധിച്ച ചർച്ചകൾ സജീവമാണ് എന്ന് ഫബ്രിസിയോ റിപ്പോർട്ട് ചെയ്യുന്നു. മൊണാക്കോ 80 മില്യൺ യൂറോ ആണ് താരത്തിനായി ചോദിക്കുന്നത്‌. അതിൽ കുറഞ്ഞ ഒരു ഡീലിനും അവർ ഒരുക്കമായിരിക്കില്ല.
22കാരനായ താരം റയൽ മാഡ്രിഡിന്റെ വലിയ ആരാധകൻ ആണ്. യൂറോപ്പിലെ പല ക്ലബുകളും താരത്തിനായി ശ്രമിക്കുന്നുണ്ട് എങ്കിലും റയലിലേക്ക് പോകാൻ ആണ് താരം ആഗ്രഹിക്കുന്നത്.
മുൻ ബോർഡക്സ് താരമായ ചൗമെനി അവസാന രണ്ട് സീസണുകളായി മൊണാക്കോയ്ക്ക് ഒപ്പം ഉണ്ട്. ഫ്രഞ്ച് ലീഗിലെ ഏറ്റവും മികച്ച മിഡ്ഫീൽഡറായാണ് താരത്തെ ഇപ്പോൾ കണക്കാക്കുന്നത്. മൊണാക്കോയ്ക്ക് വേണ്ടി 95 മത്സരങ്ങൾ ഇതുവരെ കളിച്ചിട്ടുണ്ട്. ഫ്രഞ്ച് ദേശീയ ടീമിന്റെയും ഭാഗമാണ് ചൗമെനി.
