ബയോ ബബിൾ തകർന്ന് ഒരുപാട് ബുദ്ധിമിട്ടേണ്ടി വന്നു എങ്കിലും അടുത്ത സീസണിലും ഇന്ത്യയിലേക്ക് തന്നെ വരും എന്ന് കേരള ബ്ലാസ്റ്റേഴ്സ് താരം അഡ്രിയാൻ ലൂണ. തനിക്ക് കേരള ബ്ലാസ്റ്റേഴ്സിൽ രണ്ട് വർഷത്തെ കരാർ ഉണ്ട്. അതുകൊണ്ട് തന്നെ ഇവിടേക്ക് തിരികെ വരാൻ ആണ് താൻ ആഗ്രഹിക്കുന്നത് എന്ന് കേരള ബ്ലാസ്റ്റേഴ്സിന്റെ അറ്റാക്കിംഗ് മിഡ്ഫീൽഡർ പറഞ്ഞു. ഈ സീസണിൽ കേരള ബ്ലാസ്റ്റേഴ്സിനായി രണ്ട് ഗോളുകളും ആറ് അസിസ്റ്റും ലൂണ സംഭാവന ചെയ്തിട്ടുണ്ട്.
താൻ തുടരണം എന്ന് മാത്രമല്ല കേരള ബ്ലാസ്റ്റേഴ്സിന്റെ ഇപ്പോഴത്തെ വിദേശ താരങ്ങളൊക്കെ അടുത്ത സീസണിലും ടീമിനൊപ്പം ഉണ്ടാകണം എന്നാണ് തന്റെ ആഗ്രഹം. എന്ന് ലൂണ പറഞ്ഞു. കാരണം ടീം പ്രധാന താരങ്ങളെ നിലനിർത്തിയാൽ അത് ക്ലബിന്റെ വളർച്ചയെ സഹായിക്കും എന്നും ലൂണ അഭിപ്രായപ്പെട്ടു.
