കേരള ബ്ലാസ്റ്റേഴ്സ് ഫോർവേഡ് ജോർഗെ പെരേര ഡിയസിന്റെ പരിക്ക് സാരമുള്ളതല്ല എന്ന് സൂചന. ഇന്ന് മുംബൈ സിറ്റിക്ക് എതിരായ രണ്ടാം പകുതിയിൽ താരത്തിന് പരിക്കേറ്റിരുന്നു. പരിക്കേറ്റ ഉടനെ താരത്തെ പിൻവലിക്കുകയും ചെയ്തിരുന്നു. പരിക്ക് അത്ര സാരമുള്ളതല്ല എന്നും താരം അടുത്ത കളിയിൽ മാച്ച് സ്ക്വാഡിൽ ഉണ്ടാകും എന്നുമാണ് സൂചന. ഇന്ന് പരിക്കേറ്റ് പുറത്താകും മുമ്പ് ഡിയസ് ഒരു പെനാൾട്ടിയിലൂടെ കേരള ബ്ലാസ്റ്റേഴ്സിനായി ഗോൾ നേടിയിരുന്നു. താരം തന്നെയായിരുന്നു ആ പെനാൾട്ടി നേടിയതും. സീസണിലെ ഡിയസിന്റെ രണ്ടാം ഗോളായിരുന്നു ഇത്. ഇനി കേരള ബ്ലാസ്റ്റേഴ്സ് അടുത്ത മത്സരത്തിൽ ചെന്നൈയിനെ ആണ് നേരിടേണ്ടത്.
Download the Fanport app now!
