ബംഗ്ലാദേശുമായുള്ള ഇംഗ്ലണ്ടിന്റെ പരമ്പര മാറ്റി വെച്ചുവെങ്കിലും സെപ്റ്റംബറിൽ ന്യൂസിലാണ്ട് ടി20 പരമ്പരയ്ക്കായി ഏഷ്യന്‍ രാജ്യത്ത് എത്തും. സെപ്റ്റംബര്‍ 1 മുതൽ 10 വരെ നടക്കുന്ന പരമ്പരയിൽ അഞ്ച് മത്സരങ്ങളാകും ഉണ്ടാകുക. എല്ലാ മത്സരങ്ങളും ബംഗ്ലാദേശിലെ ഷേര്‍ ഇ-ബംഗ്ല നാഷണൽ ക്രിക്കറ്റ് സ്റ്റേഡിയത്തിൽ നടക്കും.
ന്യൂസിലാണ്ട് ധാക്കയിൽ ഓഗസ്റ്റ് 24ന് എത്തുമെന്നാണ് വിലയിരുത്തപ്പെടുന്നത്. ഐപിഎൽ ആരംഭിക്കുന്നതിന് 10 ദിവസം മുമ്പേ പരമ്പര അവസാനിക്കും.
