പരിശീലനത്തിനിടെ പന്ത് ഹെല്‍മെറ്റിൽ കൊണ്ട് കണ്‍കഷന് വിധേയനായ ഇന്ത്യന്‍ താരം മയാംഗ് അഗര്‍വാള്‍ ആദ്യ ടെസ്റ്റിൽ കളിക്കില്ലെന്ന് റിപ്പോര്‍ട്ടുകള്‍. ഇന്ന് പരിശീലനത്തിനിടെയാണ് ഇന്ത്യന്‍ താരത്തിന്റെ ഹെല്‍മെറ്റിൽ പന്ത് കൊണ്ടത്.
താരം ഉടനെ പരിശീലനത്തിൽ നിന്ന് വിട്ട് നില്‍ക്കുകയായിരുന്നു. നേരത്തെ തന്നെ ശുഭ്മന്‍ ഗിൽ, വാഷിംഗ്ടൺ സുന്ദര്‍ എന്നിവരുടെ സേവനം ഇന്ത്യന്‍ ടീമിന് നഷ്ടമായിരുന്നു. പകരം സൂര്യകുമാര്‍ യാദവിനെയും പൃഥ്വി ഷായെയും ഇംഗ്ലണ്ടിലെത്തിക്കുവാന്‍ ബിസിസിഐ ശ്രമിച്ചുവെങ്കിലും ക്രുണാൽ പാണ്ഡ്യ കോവിഡ് പോസിറ്റീവായതോടെ അവരും ഐസൊലേഷനിലേക്ക് നീങ്ങേണ്ടി വരികയായിരുന്നു.
