അഞ്ച് സെറ്റ് കഴിഞ്ഞപ്പോള്‍ റഷ്യന്‍ ഒളിമ്പിക്സ് കൗൺസില്‍ താരം കസേനിയ പെറോവയ്ക്കെതിരെയുള്ള പ്രീക്വാര്‍ട്ടര്‍ മത്സരത്തിൽ 5-5ന് ഒപ്പമായിരുന്ന ഇന്ത്യയുടെ ദീപിക കുമാരി ഷൂട്ട് ഓഫിലെ പെര്‍ഫെക്ട് ടെന്നിലൂടെ ക്വാര്‍ട്ടര്‍ ഉറപ്പാക്കി.
ഇന്ന് നടന്ന മത്സരത്തിൽ 6-5ന്റെ വിജയവുമായി ദീപിക കടന്ന് കൂടുകയായിരുന്നു. ആദ്യ സെറ്റ് 28-25ന് ഇന്ത്യന്‍ താരം നേടിയപ്പോള്‍ അടുത്ത രണ്ട് സെറ്റിലും ഇരു താരങ്ങളും പോയിന്റ് പങ്ക് വയ്ക്കുകയായിരുന്നു. രണ്ടാം സെറ്റ് റഷ്യന്‍ താരം 27-26ന് നേടിയപ്പോള്‍ മൂന്നാം സെറ്റ് ദീപിക 28-27ന് നേടി.
നാലാം സെറ്റിൽ ഇരു താരങ്ങളും 26 പോയിന്റ് നേടിയപ്പോള്‍ മത്സരത്തിൽ 5-3ന്റെ ലീഡ് ദീപികയയ്ക്ക് നേടാനായി. എന്നാൽ അഞ്ചാം സെറ്റിലെ ആദ്യത്തെയും അവസാനത്തെയും ശ്രമങ്ങള്‍ 7, 8 പോയിന്റുകള്‍ നേടുവാന്‍ മാത്രം ഇന്ത്യന്‍ ടീമിന് സാധിച്ചപ്പോള്‍ 25-28ന് ഇന്ത്യന്‍ താരം പുറത്ത് പിന്നിൽ പോയി.
മത്സരം 5-5ന് ഒപ്പമെത്തിയപ്പോള്‍ ഷൂട്ട് ഓഫിലെ ഏക ഷോട്ടിൽ റഷ്യന്‍ താരത്തിന് പിഴച്ചു. 7 മാത്രം താരം സ്കോര്‍ ചെയ്തപ്പോള്‍ ദീപിക പെര്‍ഫെക്ട് ടെന്നിലൂടെ മത്സരവും ക്വാര്‍ട്ടര്‍ സ്ഥാനവും സ്വന്തമാക്കി.
