ലോക റാങ്കിംഗിൽ ഒന്നാം സ്ഥാനക്കാരായ ഇന്തോനേഷ്യന്‍ താരങ്ങളോടാണ് സാത്വിക് സായിരാജ് – ചിരാഗ് ഷെട്ടി കൂട്ടുകെട്ട് പരാജയം. നേരിട്ടുള്ള ഗെയിമുകളിലാണ് മാര്‍കസ് ഗിഡിയോൺ – കെവിന്‍ സുകാമുൽജോ ജോഡിയോട് ഇന്ത്യന്‍ താരങ്ങളുടെ പരാജയം. ഇതിന് മുമ്പ് കളിച്ച എട്ട് മത്സരങ്ങളിലും ഇന്ത്യന്‍ ജോഡിയ്ക്ക് തോല്‍വിയായിരുന്നു ഫലം.
ആദ്യ ഗെയിം 13-21ന് ആണ് ഇന്ത്യന്‍ സംഘം കൈവിട്ടത്. 7-7 വരെ ഇന്തോനേഷ്യക്കാരോടൊപ്പം പിടിക്കുവാന്‍ ഇന്ത്യന്‍ ടീമിന് സാധിച്ചിരുന്നു. രണ്ടാം ഗെയിമിലും തുടക്കത്തിൽ 7-5ന്റെ ലീഡ് ഇന്ത്യന്‍ താരങ്ങള്‍ നേടിയെങ്കിലും ഇന്തോനേഷ്യന്‍ താരങ്ങള്‍ 21-12ന് മത്സരം സ്വന്തമാക്കി.
സ്കോര്‍: 13-21, 12-21. പരാജയപ്പെട്ടുവെങ്കിലും ക്വാര്‍ട്ടര്‍ ഫൈനൽ സ്ഥാനത്തിനായി ഇവര്‍ ബ്രിട്ടീഷ് ജോഡിയോട് ഏറ്റുമുട്ടും.
ഗ്രൂപ്പ് എയിലെ ആദ്യ മത്സരത്തിൽ ലോക റാങ്കിംഗിലെ മൂന്നാം നമ്പര്‍ താരങ്ങളായ ചൈനീസ് തായ്പേയുടെ താരങ്ങളെ പരാജയപ്പെടുത്തുവാന്‍ ഇന്ത്യന്‍ ജോഡിയ്ക്ക് സാധിച്ചിരുന്നു.
